«Ivolgo-Holdıng» JShS bas dırektorlyǵyna Aıdarbek Hodjanazarov keldi. Ol buǵan deıin «Astana» ÁKK» UK» AQ basqarma tóraǵasy qyzmetinde bolǵan. Jańa basshy agrokompanııanyń jaǵdaıyn saýyqtyrý úshin taǵaıyndaldy. Sonymen qatar oǵan korporatıvtik basqarýdy jetildirip, kompanııa qyzmetiniń kórsetkishterin naqty kóterý tapsyryldy.
2016 jyly Evrazııa banki agroholdıngti sotqa bergen bolatyn. Ol bankke 80 mıllıon dollar qaryzyn ýaqytyly tólemegeni úshin, sottan holdıngti bankrot dep jarııalaýdy suraǵan. Alaıda olıgarh Rozınovtyń agroholdıngi bankrot dep moıyndalǵan joq.
«Ivolgo-Holdıng» JShS – elimizdegi eń iri agroónerkásiptik kompanııanyń biregeıi. Oǵan aýyl sharýashylyǵy tehnıkalary parki, munaı ónimderi bazalary, maı quıý stansalary qaraıdy. Naryqta kele jatqanyna 25 jyl boldy.
«Ivolgo-Holdıng» alqaptary kólemi jóninen tek elimizdegi ǵana emes, dúnıe júzindegi eń iri agroholdıngtiń biri. Onyń búgingi múshkil hali daǵdarys sóziniń maǵynasymen birdeı. Múkindikterdi durys basqarsa Ivolgonyń aıaǵynan turyp ǵana qoımaı, elimiz ekonomıkasy flagmanynyń biri bolýǵa áleýeti jetedi» dep jazady Aıdarbek Asanuly óziniń paraqshasynda.
Názıra Járimbet
«Egemen Qazaqstan»
Qostanaı